Күдебаевтың шекараны қай жерден заңсыз кесіп өткенін анықтау жүргізіліп жатыр. Бұл туралы ҚР ҰҚК төрағасының орынбасары – Шекара қызметінің директоры генерал-майор Ерлан Алдажұманов Мәжілістің жалпы отырысының кулуарында айтты.«Иә, шынында да, Күдебаев мырза мемлекеттік шекараны ресми өткізу пунктері арқылы кесіп өтпеді. Оның Қырғызстанға басқа және үшінші елдерге кетуі мүмкін екені туралы ақпараттың түсуіне байланысты шекара қызметі мемлекеттік шекараны заңсыз түрде өткенін анықтау үшін қызметтік тексеруді бастады», - деді Алдажұманов Алматы облысы ПД бұрынғы бастығы Серік Күдебаевтың ісі бойынша соттың кезекті отырысы өткенде ол сотқа келмеді. Бұған дейін кейбір БАҚ сотталушының Қазақстан аумағынан кеткенін хабарлаған еді. Талдықорған қалалық сотының судьясы Шекара қызметінің мәліметінше, Күдебаев Қырғызстанмен шекара арқылы ел шекарасынан кетіп, одан әрі Манас әуежайынан Түркияға ұшып кеткенін хабарлады. Бұл 23 наурызда болған. Айта кетейік, былтыр мамыр айында Бас прокуратура Алматы облысы Полиция департаментінің бұрынғы бастығы Серік Күдебаевтың қаңтар оқиғасы бойынша күдікті деп танылғанын хабарлады. Сотқа дейінгі тергеп-тексеру «ауыр зардаптарға әкеп соққан қызметтегі әрекетсіздік» ретінде Қылмыстық кодексінің 370-бабы 4-бөлігінің 1-тармағы бойынша жүргізілді. Ол 2020 жылдан бастап 2022 жылдың қаңтарына дейін Алматы облысының Полиция департаментінің бастығы қызметін атқарған. 2022 жылдың 18 ақпанында ішкі істер органдарынан өз еркімен босатылды.