Бүгін Қытай Украина-Ресей қақтығысы бойынша өз ұсынысын жариялады. Ол 12 тармақтан тұрады. Қытай жоспары соғысты тоқтата ала ма? Толығырақ Сүндет Оралбеков айтады.Осыдан тура бір жыл бұрын, 2022 жылдың 24 ақпанында Ресей Федерациясының Президенті Владимир Путин арнайы әскери операцияның басталғаны туралы хабарлады. Сол күні бауырлас екі мемлекет арасында қанды қақтығыс басталды.Бірінші Украинаның Одесса, Харьков, Краматорск, Мариуполь қалалары соққы алды. Шахардың қазіргі ахуалы осындай. Бүлінген инфрақұрылымға қарамастан, олар соғысқа төтеп берген. Мұндай көріністі президент Владимир Зеленский арнайы бейнежазба арқылы Украина халқына есеп ретінде жолдады.Владимир ЗЕЛЕНСКИЙ, УКРАИНА ПРЕЗИДЕНТІ:Біз барлық қауіп - қатерлерді жеңеміз - атыс, бомба, зымыран, камикадзе дрондары, электр қуатын өшіру, суық. Біз бәрінен күштіміз. Бұл -төзімділік жылы, жанашырлық жылы, батылдық, азап жылы, Үміт жылы, табандылық, Бірлік жылы. Оның басты қорытындысы - біз аман қалдық. Біз жеңілген жоқпыз. Біз биылғы жылы жеңіске жету үшін бәрін жасаймыз.Ал Кремль үнсіз. Владимир Путин 22 ақпанда ғана федералды жиналыстың алдында бұл жағдайға қатысты көзқарасын білдірген.Владимир ПУТИН, РЕСЕЙ ФЕДЕРАЦИЯСЫНЫҢ ПРЕЗИДЕНТІ:Украина қақтығысының өршуі, ондағы құрбандардың көбеюі- Батыс элиталарына жүктелетін жауапкершілік. Батыстықтар үшін украин халқы бөтен. Олар Ресейге зиян келтіру мақсатын жасырған емес. Мұны олар - стратегиялық жеңіліске балап отыр. Бұл - біздің біржолата жеңілгенімізді күтіп отыр деген сөз.Украина-Ресей өкілдері бірнеше рет келіссөз өткізсе де, бейбіт келісімге әлі қол жеткізе алмады. Бүгін Қытай 12 тармақтан тұратын украин дағдарысын шешудің бейбіт жоспарын жариялады. Құжатта "қақтығысты тоқтату, егемендікті бұзбау, ядролық қаруды қолдануды болдырмау" және басқа да мәселелер айтылған.Ван ВЭНЬБИНЬ, ҚХР СЫРТҚЫ ІСТЕР МИНИСТРЛІГІНІҢ ӨКІЛІ:Біз әрқашан дағдарысты бейбіт жолмен шешуге бағытталған барлық күш-жігерді көтермелеу және қолдау керек деген позицияны ұстандық. Қытай халықаралық қауымдастық пен ынтымақтастықты жалғастыруға дайын, бұл мәселе бойынша Қытайдың ұстанымын көрсететін құжат негізінде саяси реттеу де сындарлы рөл атқарады.Айтпақшы, Қазақстан, сондай-ақ Қытай, Қырғызстан, Өзбекстан және басқалар Украина туралы қарар бойынша БҰҰ Бас ассамблеясында дауыс беру кезінде қалыс қалды. Ал Еуропа елдері Қытайдың Ресейді Украинадағы қимылдарын тоқтатуға көндіре алатынына күмәнмен қарап отыр.
Жаңалықтар
