Қызылордада «Таза Қазақстан – таза аймақ» экологиялық науқаны бастау алды. Бұл шара республикалық акциясы аясында қолға алынуда. Ол 11 мамырға дейін жалғасын табады. Акция қала аумағында ғана емес, аудандар да қарқын алып жатыр. Жалағаш ауданы Таң ауылының тұрғындарына тал егіп, айналаны абаттандыру жұмыстары бұрыннан таңсық емес. Сондықтан акцияға үлес қосамын деген белсенділердің қарасы қалың. «Ауылына қарап, азаматын таны» деген ауылдастар тазалық жұмыстарына білек сыбана кірісуде. Оның қатарында еңбек ері де бар. Имамзада ШАҒЫРТАЕВ, ҚАЗАҚСТАННЫҢ ЕҢБЕК ЕРІ: Көгалдандыру көкейту ол күнделікті және жыл сайын жүргізіліп жататын жұмыс. біз мысалы 2010 жылдан бері шаруашылық көркету-көгалдандыру жұмыстарына атсалысып, жылда ерте наурыз айынан бастап ағаш отырғызу жұмыстарына атсалысамыз. Елді көркейті мәселесі бойынша жылдан жылға ағаш егу көбейіп келе жатыр, елдің тартылуы. Көктем шығысымен көгалдандыру жұмыстарын қолға алған ауданда 7 жарым мыңға жуық тал отырғызылған. Бұл акцияны одан әрі жандандырып, көптеген игі істерді жүзеге асырамыз дейді аудан әкімі. Ардақ ИБРАИМОВ, ЖАЛАҒАШ АУДАНЫНЫҢ ӘКІМІ: Науқанға барынша үлес қосу және елімізді көркейту-көгалдандыру мақсатында ардагерлеріміз, батыр аналарымыз, еріктілер мен белсендірлер, тұрғындар мен жастар жоспарланған әрбір шараға белсенді қатысуға ықылас білдіруде. Біз бұл жұмыстарды күшейтіп, түрлі шаралар, тазалық челендждері, ағаш отырғызу акцияларын, жалғызбасты қариялардың үйлерінің аумақтарын тазалау жұмыстарын жоспарлап отырмыз. Бір айдан аса өткізілетін акция аясында түрлі апталықтар жарияланды. Соның негізінде айналаны абаттандырып қана қоймай, арықтар мен су жүйелерін тазалау жұмыстары да жүргізілмек.