Мәжіліс сайлауына қатысатын партиялар арасындағы теледебат тартысты өтті. Пікірсайысқа «Amanat» партиясынан Елнұр Бейсенбаев, «Ауыл» халықтық-демократиялық партиясынан Жигули Дайрабаев, «Respublica» партиясынан Сырымбек Тау, «Қазақстан Халық» партиясынан Асхат Асылбеков, «Байтақ» жасылдар партиясынан Азаматхан Әміртаев, «Ақ жол» демократиялық партиясынан Берік Дүйсембинов, ал «Жалпыұлттық социал-демократиялық» партиясынан Нұрлан Әуесбаев қатысты. Тікелей эфирдегі сөз додасы 4 кезең бойынша өрбіді. Кандидаттар әлеуметтік-экономикалық бағыттар бойынша ұсынысын білдірді, қызу дискуссия болды, қоғамдағы түйіткілді мәселелер талқыланды. Сондай-ақ, пікірсайысқа қатысушылар сайлауалды тұғырнамасының үш негізгі бағытына басымдық берді. Соңында партия өкілдері сайлаушыларға үндеу жасады. Сарапшылар нағыз саяси тартыс болды дейді. Барлығына бірдей теңдей мүмкіндік жасалғанын да атап өтті.Ғазиз ӘБІШЕВ, САЯСАТТАНУШЫ: Дебат өте жақсы өтті. Өте сапалы, жоғары деңгейде өтті. Әр кандидат өз бағдарламасын ұсынды, ешқандай пафос болған жоқ. Әр аргумент ұсынылып, цифрлер, фактілер бар және де кандидаттар шынайы бір бірімен таласты.