Маңғыстау облысында балаларды таяқпен тәртіпке салмақ болған мұғалім жұмысынан босатылды. Бұл туралы Stan.kz ақпарат агенттігі хабарлайды.Оқиға 15 қаңтарда Мұнайлы ауданындағы жекеменшік мектептердің бірінде болған. Қазір жас ұстаздың балаларды не үшін жазалағаны анықталуда. Әлеуметтік желіге таралған видеодан қолына таяқ ұстаған педагогтың оқушылардың қолынан ұрып жүргенін байқауға болады. Бастауыш сыныптың ұлдары алақандарын тосып тұр. Мұғалім әрқайсысының жанына барып, таяқпен ұрып жүр. Бейнежазбадан бір оқушының бұрышта тұрғаны көрінеді. Облыстық білім басқармасы мұғалімге тиісті жаза қолданғанын айтады. Асхат Аймағамбетов трансвеститтер клубына барғаны үшін жұмыстан шыққан мұғалімдерге жақтасты “Ол – төрт ай жұмыс өтілі бар жас маман, бастауыш сынып мұғалімі. Ұстазға әкімшілік құқық бұзушылық туралы хаттама толтырылды. Сондай-ақ негізгі бұйрыққа сәйкес "қатаң сөгіс" тәртіптік шарасы тағайындалды. Педагог 17 қаңтарда жұмыстан босатылды”, – деп мәлімдеді Маңғыстау облыстық білім басқармасының баспасөз қызметі.
Маңғыстау облысында балаларды таяқпен тәртіпке салған мұғалім жұмысынан босатылды
Жаңалықтар
