Франция ұлттық құрамасының шабуылшысы Килиан Мбаппе Испания командасына көшуге дайын. Бұл туралы KAZ.NUR.KZ footmercato.net сайтына сілтеме жасап хабарлайды. Әлемдік футбол жұлдызы осыған дейін бірнеше рет "Реал Мадрид" футбол клубына ауысады деген ақпарат шықса да, "ПСЖ" ұжымындағы мансабын жалғастырған болатын. Жақында ғана Мбаппе Франция Суперкубогында "Тулуза" қақпасына гол соғып, командаға кезекті трофейіне жетуге үлкен үлес қосқан еді. "Қолда бар ақпаратқа сүйенсек, бірнеше күн бұрын Килиан Мбаппе "Реалмен" келісімге келді. Франция ұлттық құрамасының ойыншысы "Реал Мадрид" командасына "иә" деді. Испаниялық журналистердің қытығына тиіп жүрген мәселе өз шешімін тапты", – деп жазды Footmercato.net. Айта кетейік, Килиан Мбаппе "Парк-де-Пренс" алаңындағы 111-голын соққан еді. Осылайша Франция ұлттық құрамасының шабуылшысы Эдинсон Каванидің рекордын жаңартты. Уругвайлық футболшы ПСЖ командасының алаңында 110 гол салған.