"Медеу" биік таулы спорт кешенінің алаңында Мемлекеттік туды көтеру және Әнұранды орындау салтанатты рәсімі өтеді

Алматыда ҚР Мемлекеттік рәміздері күніне орай түрлі іс-шара, соның ішінде мемлекеттік туды салтанатты түрде көтеру, әнұранды орындау, автошеру, тақырыптық көрмелер, мерекелік концерт және тағы басқалары жоспарланған.Сағат 11:00-де "Медеу" биік таулы спорт кешенінің алаңында Мемлекеттік туды көтеру және Әнұранды орындау салтанатты рәсімі өтеді.15:00-де Әлеуметтік қызметтер үйінде қоғам қайраткерлерінің, тарихшылардың, сарапшылардың, үкіметтік емес ұйымдар өкілдерінің және жастардың қатысуымен "Көк тудың желбірегені" тақырыбында конференция өтеді.16:00-де "Алатау" дәстүрлі өнер театрында ҚР Мемлекеттік рәміздер күніне арналған мерекелік концерт өтеді.19:00-де Жамбыл атындағы Қазақ мемлекеттік филармониясында Н. Тілендиев атындағы "Отырар сазы" академиялық фольклорлық-этнографиялық оркестрінің "Менің елім" патриоттық концерті өтеді.Қаланың барлық ауданында мерекелік концерт өтеді:Әуезов ауданы:Сағат 10:00-де – Әуезов ауданы әкімі аппаратының алдында (Алтынсарин даңғ, 23) - ҚР мемлекеттік Әнұранды орындау және мемлекеттік Туды көтеру бойынша флешмоб.10:00-де І ауысым, 15:00-ІІ ауысым "Шыңға өрлеу" әлеуметтік клубында "Қазақстанның Мемлекеттік рәміздері және оның даму тарихы" тақырыбында дөңгелек үстел өтеді.11:00-де – жалаушалармен безендірілген 12 машинамен автошеру. Автошеру бағыты Н. Сац атындағы жасөспірімдер театрынан басталып, одан әрі шеру Саин көшесімен Райымбек даңғылына дейін және кері қарай Саин көшесімен Жандосов көшесіне дейін жылжиды,17:00-де – "Рәміздер-ел мәртебесі" фотокөрмесі (Мамыр-1 ы/а, 29/7).Жетісу ауданы:12:00-де "Кемел" мәдениет үйінде "Қазақстанның Мемлекеттік рәміздері – ұлттық мақтаныш" атты дөңгелек үстел өтеді.Алатау ауданы:09:00-де – Алатау ауданы әкімдігінің алдындағы алаңда ҚР Әнұраны салтанатты түрде орындалады.10:00-де ҚР Мемлекеттік рәміздер күніне арналған веложарыс - Б.Момышұлы көшесі бойымен Мөңке би көшелерінің қиылысынан "Алматы Арена" мұз айдынына дейін.