Мемлекет басшысы аралас жекпе-жек шебері Шавкат Рахмоновты қабылдады. Президент даңқты спортшыны таяуда Лас-Вегас қаласында өткен UFC турнирінде жеңіске жетуімен құттықтады. Шавкат Рахмонов секілді мықты атлеттердің жеңіске деген ерік-жігері мен жетістігі өскелең ұрпақты жігерлендіреді, салауатты өмір салтын ұстануға ынталандырады деді. Өз кезегінде Шавкат Рахмонов арнайы қабылдағаны үшін Қасым-Жомарт Тоқаевқа алғыс айтты. Сондай-ақ ол жанкүйерлердің үмітін ақтап, еліміздің мерейін асқақтата беретінін жеткізді.Шавкат РАХМОНОВ, АРАЛАС ЖЕКПЕ-ЖЕК ШЕБЕРІ: Жалпы кездесу өте керемет өтті. Мен үшін бұл өте үлкен абырой. Осындай жерге келіп Қазақстанның басшысымен кездесу. Бәріңізге үлкен рақмет. Елімізді, көк туымызды әрқашан көтере беріңіздер.