Иранда екі мыңнан астам адам мереке кезінде зардап шекті, деп хабарлайды Bugin.kz Mehr-ге сілтеп.Қазақстан және шетел жаңалықтарын бірінші болып біздің Telegram арнамыздан оқыңыз! Ведомствоның мәліметінше, 20 ақпан мен 12 наурыз күні мерекені тойлаған 2100 адам жарақаттанып, 14 адам қайтыс болды. Зардап шеккендердің 152-сі аяқ-қолынан айырылып, 700-і көз жарақатын алған, ал 681 адамды күйік шалған. Иранда жыл сайын Иран күнтізбесі бойынша жылдың соңғы сәрсенбісіне қараған түні Чахаршанбе-Сури мерекесі тойланады. Мереке барысында дәстүр бойынша ирандықтар оттың үстінен секіреді. Мерекелік шараларда пиротехникалық заттар да қолданылады. Өткен жылы бұл мереке кезінде 1,5 мыңнан астам адам жарақат алған.