Месси өзінің жүлдесін аты аңызға айналған жерлесі Диего Марадонаға арнады

Парижде, Шатле театрында «Алтын допты» табыстау салтанатты рәсімі өтті. Биыл «Алтын доптың» иегері Лионель Месси болды. Естеріңізге сала кетейік, шетелдік БАҚ құрметті марапатқа үш басты үміткер — Лионель Месси, Эрлинг Холанд және Килиан Мбаппені жазған болатын. Аргентиналық өзінің жүлдесін аты аңызға айналған жерлесі Диего Марадонаға арнады. Месси Марадона 63 жасқа толған күні марапатқа ие болды: «Мен Диегоның туған күні екенін білемін. Бүгін футбол әлемінің саңлақтары жиналған ортада оның туған күнімен құттықтау керемет оқиға деп ойлаймын. Сіздер сияқты ол да футболды жан дүниесімен жақсы көрді». Сондай-ақ, салтанатты шараның қорытындысы бойынша өткен маусымда ағылшын премьер-лигасын, Англия Кубогын және Чемпиондар Лигасын жеңіп алған «Манчестер Сити» жылдың үздік клубы атанды. Үздік қақпашы Аргентина құрамасында әлем чемпионы атанған Эмилиано Мартинес болды. Эрлинг Холанд жылдың үздік бомбардирі, ал Джуд Беллингем жылдың үздік жас ойыншысы жүлдесін алды. МЕССИ – «АЛТЫН ДОП» ИЕГЕРІ Қазақстандық теннисші Александр Бублик Париждегі «мастерлер» санатындағы турнирді сәтті басталды. Бірінші айналымда Бублик американдық Фрэнсис Тиафомен кездесіп, оны екі сетте жеңді — 6:3, 6:4. Қазақстандықтың келесі қарсыласы Чили теннисшісі Николас Джерри болады. Естеріңізге сала кетейік, бір апта бұрын Александр Бублик Бельгиядағы турнирдің жеңімпазы болды. БУБЛИК ПАРИЖДЕГІ ТУРНИРДЕ АЛҒАШҚЫ ОЙЫНЫН ӨТКІЗДІ Қазақстандық шахматшы Бибісара Асаубаева Grand Swiss-2023 турнирінде қытайлық Тань Чжуньиді жеңді. Әлем чемпионын ұтқан Бибисара турнирдің жалғыз көшбасшысы болды. Қазақстандық шахматшының 5 балдан 4,5-і бар. Бибисара бастапқы турда қарсыласымен тең ойнап, содан кейін қатарынан төрт жеңіске жетті. Бибисардың күтпеген жеңісі туралы былай деп айтты: «Мен турнир кестесіне назар аудармауға тырысамын. Қолымнан не келеді, соны көрсетем. Бірақ бүгін ерекше ойын болды. Оның бірнеше қимылынан кейін мен өзімді қиын жағдайға тап болдым деп ойладым, бірақ дәл қалай екенін түсінбедім. Сондықтан жай ғана ойнай бердім. Таблода аз уақыт қалғанда мен жай ғана ең жақсы тактикаларды іздеуге тырыстым» АСАУБАЕВА ШАХМАТТАН ӘЛЕМ ЧЕМПИОНЫН ЖЕҢДІ «Мен турнир кестесіне назар аудармауға тырысамын. Қолымнан не келеді, соны көрсетем. Бірақ бүгін ерекше ойын болды. Оның бірнеше қимылынан кейін мен өзімді қиын жағдайға тап болдым деп ойладым, бірақ дәл қалай екенін түсінбедім. Сондықтан жай ғана ойнай бердім. Таблода аз уақыт қалғанда мен жай ғана ең жақсы тактикаларды іздеуге тырыстым». Жеңіл атлетикадан Қазақстаннан алғашқы әлем чемпионы Нора Джеруто «допинг қолданды» деген айыптан ақталды. Нора осы сәуірде допинг қолданды деп айыпталып, барлық жарыстардан шеттетілді. Джеруто-Қазақстан тарихындағы жеңіл атлетикадан әлем чемпионы. Ол алтынды 3000 метрге кедергілерден өту жарысында алды. Қазір ол жеке нәтижесі бойынша әлемдегі осы қашықтықтағы үздік үш жүгірушінің қатарына кіреді. Кения тумасы 2018 жылы Қазақстан азаматтығын алды. Ал 2022 жылы әлем чемпионатын жеңіп алды. ДЖЕРУРО ДОПИНГ ДАУЫНАН АҚТАЛДЫ УЕФА еурокубок форматына байланысты кезекті реформа жүргізді. 2024 жылдан бастап Чемпиондар Лигасында, Еуропа Лигасында және конференциялар Лигасында әдеттегі топтық кезең болмайды. Чемпиондар Лигасында және Еуропа Лигасында әр команда 8 матч өткізеді, бірақ барлық қарсыластар әр түрлі болады — әрбір келесі қарсылас матчтардың нәтижелері бойынша анықталады. Конференция Лигасында да осындай жағдай, бірақ 6 матч болады. «Ордабасы» Қазақстан премьер-лигасының чемпионы өз жолын Чемпиондар Лигасының бірінші раундынан бастайды. Топқа түсу үшін төрт раунд қалады. 5 қарашада «Ордабасы» — «Тобыл» Кубогының финалы өтеді. Қостанайлықтар жеңген жағдайда Еуропа Лигасына шығады. Егер «Ордабасы» жеңіске жетсе — Еуропа Лигасына жолдаманы ҚПЛ-дің күміс жүлдегері «Астана» алады. Ал конференция Лигасында төртінші орын алған «Қайрат» ойнайды. Конференциялар Лигасында еліміздің футбол клубтары: «Ақтөбе» бірінші раундтан, «Астана» екінші раундтан бастайды. Топқа дейін төрт раунд болады. ЕУРОКУБОКТАРДЫҢ ЖАҢА ФОРМАТЫ Жаңа тегін X5 ойыны (Winline букмекерінен) Winline қосымшасын жүктеп алыңыз 5 матчтың нәтижелерін таңдаңыз, сонда 5 миллион (теңге) сіздікі болуы мүмкін! Винлайн қосымшасының х5 бөліміне кіріп, экранда көрсетілген ойындардың нәтижесін тапсаңыз жүлде сіздікі! Еш күмәніңіз болмасын, Winline төлейді.