Құрылыс кодексінде шикілік көп. Ішіндегі орфографиялық қателерді былай қойғанда, жаңашылдық жоқ. Жаңа заң жобасы деген аты ғана. Түптеп келгенде мазмұны әр жерден ұрланған. Құдды бір оқушының рефераты дерсің. Мұндай заңды 10-сынып оқушысы да жаза алады, - деп депутаттар ашуға булықты. Кодекстегі кемшіліктерді Аружан Задабек жіпке тізді. Президент өткен аптада ғана Үкіметке міндет жүктеді. Жаңа құрылыс кодексінде қатенің көп екенін айтып, қайта талқылауды тапсырды. Депутаттар «талқылау» дегенді қағып алып, бүгін құзырлыларды өз алаңдарына шақырды. «Өзіміз отырып шай ішейік» дегендер бірінен кейін бірі олқылықтарды айтып, министрлік өкіліне сұрақты қарша боратты. Үсті-үстіне келген сауалдарға әбден ызаланса керек, вице-министр «дұрыс сұрақ қойыңдар» деп тап берді. «Пікірталас басталды, таяқ жерге тасталды». Депутат Болатбек Нәжмедиұлының сөзін Қарақат Әбден іліп алып кетті. Қарақат ӘБДЕН, ҚР ПАРЛАМЕНТІ МӘЖІЛІСІНІҢ ДЕПУТАТЫ: Кілт беріледі. Тұрғындар орналасады. Артынан сапасыз екені анықталады. Бір айдан кейін-ақ бұзылғандарын көреміз. Депутаттар бүгін қаншалықты белсенді болса, вице-министр соншалықты ашулы. «Енді мен не істейін?» деп бір күрсінді де, жаңа заң жобасы арқылы осымен күресеміз деп уәде берді. Тимур ҚАРАҒОЙШИН, ҚР ӨНЕРКӘСІП ЖӘНЕ ҚҰРЫЛЫС ВИЦЕ-МИНИСТРІ: Қазір енді салынып кеткен нәрсе, не істейміз енді? Ал ертең салдырмаймыз. Табанынан бастап тоқтатамыз. Депутаттар жаңа заң жобасын сынауға ұқсап бақты. Бірі сейсмикалық аймақтардағы құрылыс мәселесін қозғаса, енді бірі не мектебі, не балабақшасы, ауруханасы жоқ жерге үй салуға қарсы екенін айтты. Мемлекеттік тапсырыстың дұрыс өткізілмейтініне тоқталып, өзгеріс енгізуді ұсынғандар болды. Асхат АЙМАҒАМБЕТОВ, ҚР ПАРЛАМЕНТІ МӘЖІЛІСІНІҢ ДЕПУТАТЫ, «AMANAT» ФРАКЦИЯСЫНЫҢ МҮШЕСІ: Біз әкімдік деңгейінен өтеміз. Олар енді өздерін қалай тексереді? Біз біліп отырмыз ғой. Оларды республикалық деңгейге беру мәселесі шешіле ма? Қысқасы, депутаттардың да Президент секілді жаңа заң жобасына көңілдері толмайды. Шикі деді. Оны рефератқа балап, 200 беттің құр мәні жоқ жай ғана ақ қағаз екенін айтты. Бақытжан БАЗАРБЕК, ҚР ПАРЛАМЕНТІ МӘЖІЛІСІНІҢ ДЕПУТАТЫ: Ешқандай жаңалық жоқ бұл заң жобасында. Басқаша айтқанда үш заңды қосып-қосып бір заң ретінде кіргізе салған. Вице-министр депутаттармен алысып шаршаса керек, «аш бәледен қаш бәле» деді ме, әйтеуір, үнсіз қалуды қалады. Президент заңға дұрыс сараптама керек деді. Бүгінгі жиынның өткізілу мақсаты да – сол. Бірақ жартысына келгенде депутаттар министрлік өкілінің құр сөзінен жалықты ма, әлде түскі асқа асықты ма, қайдам, бірінен кейін бірі залдан қашып кетті. Осыдан кейін жаңа заң жобасы тез нәтижеге жетеді деп айту қиын.
Жаңалықтар
![Қайрат Нұртастың анасы: Екеуінің махаббатын сөзбен айтып жеткізе алмаймын](https://smi24.kz/userdata/article/2024/article_1584044/image.jpg.webp)
![«Асқазаным іріп кетті»: Күніне 3 құты энергетикалық сусын ішкен қазақстандық өмірімен қош айтыса жаздаған](https://smi24.kz/userdata/article/2024/article_1621105/image.jpg.webp)
![Жамбыл өңірінде алғашқы ревматологиялық орталық ашылды](https://smi24.kz/userdata/article/2024/article_1621089/image.jpg.webp)
![Қызылорда облысында қос азаматтықпен жүрген шетелдік жауапкершілікке тартылды](https://smi24.kz/userdata/article/2024/article_1621079/image.png.webp)
![Париж Олимпиадасы: бүгін Қазақстан құрамасынан кімдер жарыс жолына шығады](https://smi24.kz/userdata/article/2024/article_1621099/image.jpg.webp)
![Селин Дион Париж Олимпиадасының ашылу салтанатында өнер көрсетті](https://smi24.kz/userdata/article/2024/article_1621085/image.jpg.webp)
![Диверсия: Францияда пойыздардың тоқтатылуы 800 мыңға жуық жолаушыны жолдан қалдырды](https://smi24.kz/userdata/article/2024/article_1621077/image.jpg.webp)
![Талдықорғанда өрт сөндірушілер өрттен газ баллонын шығарды](https://smi24.kz/userdata/article/2024/article_1621049/image.jpg.webp)
![Астанадағы Момышұлы даңғылы бірнеше күнге жабылады](https://smi24.kz/userdata/article/2024/article_1621032/image.png.webp)
![Париж Олимпиадасының ашылу салтанатында Леди Гага өнер көрсетті](https://smi24.kz/userdata/article/2024/article_1621040/image.jpg.webp)
![Ақтауда жастарға арналған мамандық курсы ұйымдастырылды](https://smi24.kz/userdata/article/2024/article_1621009/image.jpg.webp)
![Садақ атудан Қазақстан спортшыларының Олимпиададағы қарсыластары белгілі болды](https://smi24.kz/userdata/article/2024/article_1621102/image.jpg.webp)
![Астананың орталық алаңында 4 мыңға жуық адам Олимпиаданың ашылуын тікелей эфирден тамашалады](https://smi24.kz/userdata/article/2024/article_1621058/image.jpg.webp)
![35 тонна. Қытайдан әкелінген құс еті қоқысқа тасталды](https://smi24.kz/userdata/article/2024/article_1620854/image.jpg.webp)
![Таразда күдікті полиция учаскесінен қашып кеткен: іздеу жарияланды](https://smi24.kz/userdata/article/2024/article_1620789/image.png.webp)
![Абай облысы «қызыл аймақтағы» өңірлер қатарында: ЖЭО қашан жаңғыртылады](https://smi24.kz/userdata/article/2024/article_1619525/image.jpeg.webp)
![Абай облысы «қызыл аймақтағы» өңірлер қатарында: ЖЭО қашан жаңғыртылады](https://smi24.kz/userdata/article/2024/article_1619526/image.jpeg.webp)
![Абай облысы «қызыл аймақтағы» өңірлер қатарында: ЖЭО қашан жаңғыртылады](https://smi24.kz/userdata/article/2024/article_1619527/image.jpeg.webp)
![Су тасқыны: Үкімет бөлген ақша бизнестің тек үштен біріне жеткен](https://smi24.kz/userdata/article/2024/article_1619257/image.jpeg.webp)
![Күзге арналған жұлдыз-жорамал: кімдердің жолы болады?](https://smi24.kz/userdata/article/2024/article_1007081/image.jpeg.webp)
![Желіде қызды ұрып-соғу оқиғасы түсірілген видео тарады](https://smi24.kz/userdata/article/2024/article_1554348/image.jpeg.webp)
![Алматы жаһандық бизнес орталыққа айналады: әлемдік көшбасшылар тарихи форумға дайындалып жатыр](https://smi24.kz/userdata/article/2024/article_1553859/image.png.webp)
![Капиталистік жүйеде постколониализмнің орны қандай?](https://smi24.kz/userdata/article/2024/article_1551928/image.jpg.webp)
!["Болды, адам болмайды" деген": Актриса өлім аузынан қалған кезін еске алды](https://smi24.kz/userdata/article/2024/article_1621074/image.webp.webp)
![Қазақстан құрамасы ту ұстаушыларының суреті қызу талқыланып жатыр](https://smi24.kz/userdata/article/2024/article_1620788/image.jpg.webp)
![«Бозоқ» музей-қорығы ұлттық дәстүр мен ғұрып фестивальін өткізеді](https://smi24.kz/userdata/article/2024/article_1620764/image.png.webp)
![Ақтөбеде Димаш Құдайберген атындағы арена пайда болады](https://smi24.kz/userdata/article/2024/article_1619977/image.webp.webp)
![Шымкентте 64 млн теңгені жымқырған бас есепшінің қаржыны қайда жұмсағаны белгілі болды](https://smi24.kz/userdata/article/2024/article_1620826/image.png.webp)
![«Иә, мінезі — тік, оспадарлау»: Қостанайдың өнер адамдары қамауға алынған бас имамның игі істерін еске түсірді](https://smi24.kz/userdata/article/2024/article_1620831/image.jpg.webp)
![«Егіл-тегіл жыладым»: Мақпал Исабекованың баласы ауруханаға түсіп қалды](https://smi24.kz/userdata/article/2024/article_1620791/image.jpeg.webp)
![Шымкентте жүрек-қан тамыр ауруларынан болатын өлім-жітім азайды](https://smi24.kz/userdata/article/2024/article_1620671/image.jpg.webp)