Депрессиядан арыла алмай жүрсіз бе? Онда музыка тыңдаңыз. Мамандар осындай кеңес береді. Күйзелістен құтқаратын қандай құдыреті бар? Тілшіміз музыкатанушылардан сұрады. Дәрібек БАХЫТБЕК, ТІЛШІ: Дәрібек, Дәрібек аааа ау, кешіріңіз музыка тыңдап қиялға батып кетіппін ғой. Музыка деген рахат кой, жаның керемет күйге бөленеді. Енді ән-әуен тыңдауды әдетке айналдырып алмасам.... Музыка -жәй әуен емес, адам жанына ем. Тұрғындар бұны білмесе де, көпшілігі шаршағанда ән тыңдайды. БЛИЦ-АУАЛНАМА: - Кішкене музыканы қойып алып сосын ойлайсың, не болды? Қандай жоспар? Қандай болжау? Өте жақсы. Депрессияға да жақсы болады. - Мен күнде обязательна автобусқа мінген сайын ән тыңдаймын. Әр кезде әр қалай. Кейде қиялға батып кетемін. Кейде өзімнің болашағымды, өмірімді прставляеть етіп. - Қазіргі жақсы өлеңдер бар ғой, смыслы современный бөлексің типа керексің деген өлеңдер. Соларды тыңдаймын күшті ұнайды. Мамандар депрессиядан арылудың бірді-бір жолы музыка дейді. Айтуынша, тыңдаушы әуенді дәл таппаса кері әсер ету мүмкін. Сондықтан жанына жақын ән тыңдап, арнайы мамандарға жүгінген дұрыс дейді. Сания БАЖЕНЕЕВА, МУЗЫКАТАНУШЫ: Музыкалық терапия арт терапияның бір бөлігі ретінде қарастырылады. Бізде әлі де кәсіби мамандар, музыкалық терапиямен айналысатын жоқ. Сондықтанда Қазақстанда әлі де бізде музыкалық терапия бағытын дамыту керек деп ойлаймын. Музыкатанушыларды психологтарда қолдайды. Көбіне күйзеліске қыз, келіншектер түседі екен. Балабек САҚТАҒАНОВ, ПСИХОЛОГ: Адамдардың мінезі салмақты, бір тоға көп сөйлемейтін мінезі ауыр адамдарға әртүрлі жанағы ақырын ойналатын музыкаларды қосуға болмайды. Оларға жеңіл ойналатын әндерді пайдалану керек. Ал, егер мінезі жеңіл болатын болса, тез сөйдейтін, тез күлетін санглин типіндегіә адамдар болса оларға көбіне ақырын адамдарға ой тудыратын, ой шығаратын сол музыкаларды таңдау керек. Қорыта айтқанда музыка қоғамда кеңінен етек жайған дерттің біріне дауа. Күйзеліске түсіп күйінгенше, күйзеліске түсірмейтін ән ізде.