Астанада роботтың көмегімен бірегей операция жасалды. Президент Іс басқармасы Медициналық oрталығы ауруханасында алғаш рет эпилепсиямен ауыратын науқастың миына арнайы қондырғы орнатылды. Оның нәтижесі туралы тілшіміз айтады. Науқастың диагнозы нақтыланған соң, эпилепсия шақыратын ошақты мамандар тоқпен күйдіріп емдеді. Басына стреотактикалық рама қондырылып, миға стимуляция жасалды. Операция екі сағатқа созылды. Қазір науқастың жағдайы жақсы. Мыңжылқы БЕРДІҚОЖАЕВ ҚР ПІБ МЕДИЦИНАЛЫҚ ОРТАЛЫҒЫ АУРУХАНАСЫ ДИРЕКТОРЫНЫҢ ОРЫНБАСАРЫ, ЖОҒАРЫ САНАТТЫ НЕЙРОХИРУРГ: Соған ұқсайтын әдістердің бірі паркинсон ауруы, дистания аурулары кезінде, наркоз берілмей стреотактикалық рама дейді, адам басына рама қондырылады да, мидың бөліктеріне стимуляция жасалынады. Робот операция уақытын үш есеге дейін азайтуға мүмкіндік береді. Дәлдік және тиімділікпен жүзге жуық операция түрін жасауға бағытталған. Арнайы отаны жоспарлау функциясы, нейрохирургияның әртүрлі кескіндерді өңдеу және хирургиялық жоспарлау қажеттіліктерін орындайды. Сондай-ақ новигация элементтері бар. Талғат ЕРМЕКОВ, ҚР ПІБ МЕДИЦИНАЛЫҚ ОРТАЛЫҒЫ АУРУХАНАСЫНЫҢ НЕЙРОХИРУРГЫ: Бұл Ремибот роботы траекторияларды бақылап, 8 электродты қауіпсіз орнатуға көмектесті. Біз қазірдің өзінде құрылымдық тактикалық жақтауды пайдаланып екі операция жасадық. Бұл пациенттер үшін өте жақсы. Өйткені қан кетудің болмауы үшін барлық тамырларды айналып өту үшін әртүрлі бағытта 8 электрод бар. Сондай-ақ жыл басынан бері нейрохирург мамандар 250-ден астам адамға күрделі операция жасап аяғынан тік тұрғызды. Ми мен жұлынға, нерв жүйелеріндегі қатерлі ісік пен омыртқаға күрделі операцияларды сәтті жасап жүр. Әрі өте сирек әдісті қолданады. Сондай-ақ, мамандар инновациялық технологияның озық үлгілерін еркін меңгерген. Тіпті бұған дейін жұлын ішіне біткен ісікті де еш қиындықсыз сылып тастаған.
Нейрохирургиялық робот арқылы эпилепсиямен ауыратын науқастың миына операция жасалды
Жаңалықтар
