Орал қаласында 12 жастағы қызды зорлады деген күдікпен 5 адам қамауға алынды. Қорғансыз қызды жәбірлегендер- 9 және 10-класс оқушылары мен студент. Бұл туралы Батыс Қазақстан облыстық полиция департаментінен хабарлады. 6-класта оқитын қызының үйге келмегеніне алаңдаған анасы полицияға хабарласқан. Жоғалған жеткіншек бір күннен кейін жалдамалы пәтерден табылды. Айтуынша, оған осы үйде зәбір көрсеткен. Күдіктілер бірден қамауға алынды. Полиция бұған қатысты қылмыстық іс қозғады. Виктор КОТЕЛЬНИКОВ, ҚАЛАЛЫҚ ПОЛИЦИЯ БАСҚАРМАСЫ БАСТЫҒЫНЫҢ ТЕРГЕУ ІСІ ЖӨНІНДЕГІ ОРЫНБАСАРЫ:Қыз бала жасөспірімдердің біреуін ғана танитынын айтты, соның сөзіне еріп пәтерге барған. Сол кезде ішімдікке масайған жігіттер оны зорлапты. Жәбірленушінің ішімдік ішпегенін анықтадық. Күдіктілер бұған дейін ұрлық пен тонау секілді қылмыс жасағаны үшін істі болған. Біреуі тіпті үш рет сотталған. Олар айыпталған бап бойынша 20 жылға соттау жазасы қарастырылған.
Оралда 12 жастағы қызды зорлады деген күдікпен бірнеше оқушы мен студент қамауға алынды
Жаңалықтар
