ҚР ҰҚК Шекара қызметі қазақстан-қырғызстан мемлекеттік шекарасы арқылы Пәкістанның 9 азаматы елге заңсыз өтпек болғанын мәлім етті.«2023 жылғы 15 ақпанда ҚР ҰҚК Шекара қызметі Жамбыл облысы бойынша департаментінің әскери қызметшілері ҰҚКД және Меркі ауданы полиция бөлімінің қызметкерлерімен бірлесіп, қазақстан-қырғызстан мемлекеттік шекарасы арқылы Қазақстан Республикасына заңсыз өтпекші болған Пәкістан Ислам Республикасының 9 азаматын ұстады», - делінген хабарламада. Ұсталындарға қатысты құзырлы орган сотқа дейінгі тергеуді бастады.