«Халықпен бірге» жобасы аясында 20 өңірді қамтитын 2023-2027 жылдарға арналған Жол картасы бекітілді. Бұл туралы «AMANAT» партиясының фракция мүшелерімен өткізілген кеңейтілген отырыста айтылды. Партия төрағасы депутаттық корпустың жұмысын күшейту мақсатында бірқатар нақты тапсырмалар берді. Алдағы уақытта жүйелі мониторинг жүргізу үшін партия мен Үкіметтің бірлескен штабы құрылады. Ерлан Қошанов партияның барлық сайлауалды міндеттемелері халықтың өмір сүру сапасын жақсартуға және әлеуметтік мәселелерді шешуге бағытталғанын атап өтті.Ерлан ҚОШАНОВ, «AMANAT» ПАРТИЯСЫНЫҢ ТӨРАҒАСЫ: Фракция мүшелері, Үкімет және орталық аппарат барлық Жол карталарындағы тармақтардың іске асыру статусын әрдайым бақылауда ұстау керек. Бізде Жол картасының нақты тармақтары бойынша депутаттарды бекіттік. Ал Үкімет әр салаға жауапты министрді бекітіп берді. Жыл сайын фракция жиналысында Премьер-Министрдің Жол картасының орындалуы бойынша есебі тыңдалады. Егер жүрмей жатса жұмыс бұдан да жиілетуге болады. Сол үшін үздіксіз кешенді жұмыс жүргізілуі керек. «AMANAT» партиясының атқарушы хатшысы Елнұр Бейсенбаев Жол картасы аясында жүзеге асырылатын бірқатар бастамалармен бөлісті. Елнұр БЕЙСЕНБАЕВ, «AMANAT» ПАРТИЯСЫНЫҢ АТҚАРУШЫ ХАТШЫСЫ: Үш ауысымды мектеп мәселесі де өткір. Осы мәселе бойынша Алматы облысы көш бастап тұр. Мұнда үш ауысымды оқытатын мектептердің саны 51-ден асып жығылады. Мәселе 10 жылдан астам уақыттан бері шешілмей келеді. Жол картасы аясында Іле, Жамбыл, Еңбекші қазақ, Қарасай, Талғар аудандарында және Қонаев қаласында үш ауысыммен оқытуды болдырмас үшін 60-тан астам мектепті салу жоспарымызда бар. Біз оған міндетті түрде қол жеткіземіз.
«Партияның барлық сайлауалды міндеттемелері халықтың өмір сүру сапасын жақсартуға бағытталған», - Е.Қошанов
Жаңалықтар
