Павлодардағы еріктілер тобы екі ер адамды іздестіріп жатыр. Екеуі де бір ауданның тумалары, деп жазады Pavlodarnews.kz. Рoiskoviki_pavlodara_vita тобы іздестіру жұмыстарын жүргізуде. Еріктілердің айтуынша, екі адам да әртүрлі уақыт аралығында бір ауданда жоғалып кеткен. "Илья Сагайдак 23 наурызда үйден шығып кеткен күйі қайып оралмаған. Үйден кетер алдында туыстарына біраз уақытқа шығатынын айтқан. Телефоны мен құжаттарын, ақшасын үйінде қалдырып кеткен. Бұған қоса, жұмысқа шықпаған. Галкин Межекенов 19 наурызда шығыс өнеркәсіп аймағында жұмыстан шыққан, бірақ үйіне немесе жұмысқа қайтып оралмаған", - дейді еріктілер.