Петропавл әкімдігі бүгін мектептерде бірінші ауысым қашықтан оқытылатынын хабарлады. Мұның барлығы жаңбырдың салдарынан жолдар мен жаяу жүргіншілер жолындағы пайда болға көктайғаққа байланысты. Қоғамдық көліктер жұмысқа әдеттегіден кеш шығады, деп хабарлайды Zakon.kz.Хабарламада әкімдік, қала тұрғындарын қазіргі жағдайға түсіністікпен қарауды сұрайды."Қазір арнайы техника жұмыс істеп жатыр. Көшелер мен тротуарларға сағат 5-тен құм бастап төгілуде. Бұл шаралар азаматтардың қауіпсіздігі үшін жасалып жатыр. Қоғамдық көліктер өз бағыттарына кезең-кезеңімен шығады. Сондай-ақ, қаланың жұмыс берушілерінен қызметкерлердің кешігіп келу фактілеріне түсіністікпен қарауға сұраймыз", - делінген хабарламада.Олар сондай-ақ көлік жүргізушілерін ұқыпты болуға, мүмкін болса, жолда келе жатқан адамдарды аялдамаларға апаруға шақырады.