Ресейде санкция салдарынан микроқаржы ұйымдарына жүгінетін тұрғындар саны соңғы айда 3 есе өсті. Әрбір сегізінші азамат шағын несие алған.Ресей Үкіметі борышкерлерге несиені жарты жылға шегеруге рұқсат ететін құжатты қабылдаған. Бірақ елде экономикалық жағдай қиындаған соң қазір банктер қарыз алушылардан ақша талап ете бастады. Бүгінде ресейліктердің банктер алдындағы жалпы қарызы 27 триллион рубльге жеткен. Қаржы нарығындағы қазіргі ахуалға байланысты сарапшылар да пікірін білдіріп жатыр. Эльман МЕХТИЕВ, САРАПШЫ: Жағдайдың ушығуына банкроттыққа қойылған мораторий әсер етті. Банктер тарапынан қарызынан жалтарғандардың үстінен шағым түсіп, үстінен іс қозғалған азаматтар саны 9 есе көбейген. Бұған халықтың табыс көзінің төмендеуі де себеп. Қазір елде ипотекалық несие беру тоқтатылды. Қарызы бар 20 миллионнан астам Ресей азаматы шетелге шыға алмайды. Жалпы ішкі өнім төмендеп, инфляция 18 пайыздан асып кеткен,-деп хабарлайды Қазақстан Телеарнасы.