Республикалық «Таза Қазақстан» акциясына Ассамблея өкілдері де атсалысуда. Олар Шымкент тұрғындарымен бірге "Қазақстан - Түркия достығы" саябағында абаттандыру жұмыстарын жүргізді. Игі шара аясында қатысушылар аулаларды жинау, көгалдандыру, ағаштарды күту, әктеу, кесу, қоқыстарды тазалау, шөп ору, балалар алаңдары мен спорт алаңшаларын ретке келтіру жұмыстарын жүргізді. Сонымен қатар қаладағы барлық тратуарлар тазаланды. Айта кетейік, тазалық жұмыстарына 1200-ден астам адам, 17 арнайы техника жұмылдырылды.