2023 жылдың күзінде әнші Әли Оқаповтың "Құрмет" орденімен марапатталуына байланысты желіде дау бұрқ етті. Осыдан кейін ол барлық марапатынан бас тартуға дайын екенін мәлімдеді. Осы күнге дейін бұл дауға қатысты эстрада әншісі Роза Рымбаева үнсіз келген еді, деп хабарлайды Zakon.kz.Алайда Халық әртісі үнсіздікті бұзуды жөн көріпті. Роза Рымбаева ұлына қатысты аталған жайтқа Динара Сатжанға берген сұқбатында тоқталады. Өз сұқбатында Роза Рымбаева ұлына қатысты сын-пікірлер жайлы тек үш күн өткен соң білгенін айтады. "Басында ұлыма орден берілгелі жатқанын естідім. Оған таң қалып, сол күйінде ән айту үшін сахнаға шығып кеттім. Содан кейін үш күн өткен соң естимін ғой барлығын. Мен Instagram-да отырмаймын, ешқашан негатив хабарларды, бағдарламаларды қадағаламаймын. Балалар мені естімесін деген, оның үстіне бұл күндері қолым бос болмады. Мен ұлымның өнерін тамашалағанда ғана білдім. Мәди ағасы үшін қатты уайымдады. Осыдан кейін түні бойы ұйықтай алмай шықтым. Не істерімді білмедім, не жыларымды, не күлерімді, бастысы балаларға осалдығымды көрсетпеуім керек. Егер мен жылап қалсам, олар қандай күйде болады? Қайта желіде айтылғандардың барлығын ежелеп оқып жатпадым, сол жақсы болды", - дейді Роза РымбаеваОның айтуынша, бұл орден олардың өмірін, ұстанымдары мен кәсіби қырын еш өзгертпейді. "Менің ұлдарым 18 жыл музыка мектебінде оқыды, осындай ауқымды кәсіби білімі бар. Сондықтан ол жағынан мен еш саспаймын. Олар ұстаз да бола алады, жетекшілік те ете алады, оркестрде пианист, композитор бола алады, аранжировщик ретінде де жұмыс істей алады. Өз басым, Әлидің әкесінің жолын қуғанын қалаймын. Мүмкін, уақыт өте келе ол осы жолға түсер. Барлық марапаттар, құрметті атақтар ештеңені өзгертпейді: біз одан бай бола түскен жоқпыз. Біз осыған дейін қалай өз жұмысымызбен айналысып жүрсек, солай алда да өз бағытымыздан таймаймыз", - дейді Роза Рымбаева