Италияда бокстан лицензиялық турнирдің екінші жарыс күні өтіп жатыр. Бүгін шаршы алаңға шыққан қазақстандық боксшылар келесі айналымға өтті, деп хабарлайды Bassport.kz.Атап айтар болса, Сабырхан Махмұд пен Нұрбек Оралбай қарсыластарын оңай жеңді. Ал Сәкен Бибосыновтың басты қарсыластарының бірі - үндістандық Дипак Дипак жарысты аяқтады. Ол алғашқы кездесуде 2:3 есебімен жастар арасындағы екі дүркін Еуропа чемпионы, әзірбайжандық Ниджат Гусейновтен жеңілген. Айта кетелік, Ташкенттегі әлем чемпионатында Дипак Сәкен Бибосыновтан басым түскен болатын.