Қазақстандық танымал әнші Салтанат Бақаева желіде жаңа образын көрсетіп, қалың көпшілікті таңғалдырды. Өнер иесінің видеосы қызу талқыланып жатыр, деп жазады KAZ.NUR.KZ. Шоу-бизнес жұлдызы Instagram парақшасында жаңа образдағы видеосын жариялап, оқырмандарының назарын аударды. Жанкүйерлерін әркез таңғалдыратын Бақаева бұл жолы кореялық образды таңдаған. Кореялық арудың кейпіне енген отандық әншінің образы көпшіліктің көңілінен шыққан. Желі қооданушылары тәнті болып, өз пікірлерін жарыса қалдыруда. "Керемет, өте ерекше", "Сіз қандай образ таңдасаңыз да жараса кетеді", "Нағыз хас сұлудың өзі", "Салтанат, мына образ тура сізге арналғандай екен. Бірақ сіз бояусыз да сондай әдемісіз", "Танымай қалдым. Шынымен кореялық ару екен деп ойладым", - деп жазуда оқырмандар.