Салық пен бюджетке төленетін міндетті төлемдердің саны 20%-ға қысқарады. Бұл туралы Ұлттық экономика вице-министрі Азамат Әмрин айтты. Оған қоса маңызды фискалдық қайтарымы жоқ төлемдер алынып тасталады, ал кейбірі біріктіріледі. Сонымен қатар бірыңғай жер салығын жеке табыс салығына көшіру ұсынылып отыр. Шаруалар мен фермерлер үшін жеңілдік сақталады. Одан бөлек, мемлекеттік баждың 5 түрі алынып тасталды, олар бойынша мөлшерлемелер 51-ге қысқарады. Бұл салық пен төлемдердің санын 20%-ға қысқарту жөніндегі міндетті орындауға мүмкіндік бермек. Азамат ӘМРИН, ҚР ҰЛТТЫҚ ЭКОНОМИКА ВИЦЕ-МИНИСТРІ:Ерекше қорғалатын табиғи аумақтарды пайдаланғаны үшін, сыртқы жарнаманы орналастырғаны үшін және қызметтің жекелеген түрлерімен айналысқаны үшін лицензияларды пайдаланғаны үшін төлемдер. Жер үсті көздерінің су ресурстарын пайдаланғаны, орманды пайдаланғаны және жануарлар дүниесін пайдаланғаны үшін 3 төлемді біріктіру ұсынылады. Табиғи ресурстарды пайдаланғаны үшін бір ғана төлем болады. Жалпы, төлем мөлшерлемелері 77-ге, ал алымдардың 6 түрін қысқарту ұсынылады. Олар бойынша ставкалардың 34 түрі алынып тасталады.