Жедел іс-шаралардың нәтижесінде қалада жол қозғалысы ережесін 64 рет бұзып, 1,6 млн теңгеден астам сомаға айыппұл арқалаған Volkswagen, 30 рет жол ережесін 724 500 теңге сомасына бұзған BMW, 2035500 теңгеге 24 бұзушылық жасаған Toyota Camry автокөліктерін анықтады. Бұл туралы zakon.kz хабарлады.Қазіргі уақытта аталған көліктердің барлығы арнайы айыппұл тұрағына орналастырылды. Құрметті жүргіжушілер, ҚР ӘҚБтК-нің 893-бабына (Айыппұл салу туралы қаулыны, айыппұл төлеу қажеттігі туралы нұсқаманы өз еркімен орындау) сәйкес, айыппұлды әкімшілік жауапкершілікке тартылған тұлға айыппұл салу туралы қаулыны айыппұл төлеу қажеттігі туралы нұсқама заңды күшіне енген күннен бастап отыз тәуліктен кешіктірмей төлеуге тиіс екенін естеріңізге салады. Қаулыны ерікті түрде орындамаған жағдайда айыппұл ӘҚБтК-нің 894-бабына (Жеке тұлғаға, дара кәсіпкерге, жекеше нотариусқа, жеке сот орындаушысына және адвокатқа айыппұл салу туралы қаулыны, айыппұл төлеу қажеттігі туралы нұсқаманы мәжбүрлеп орындату) сәйкес мәжбүрлі түрде өндіріліп алынады. ҚР ӘҚБтК-нің 810-бабына (Әкiмшiлiк құқық бұзушылық туралы іс бойынша қысқартылған іс жүргізудің негіздері) және 811-бабына (Әкiмшiлiк құқық бұзушылық туралы іс бойынша қысқартылған іс жүргізу тәртібі) сәйкес, азаматтар 7 тәулік ішінде әкімшілік айыппұлды 50 пайыз мөлшерінде төлеуге құқылы екендігін еске саламыз.