Еліміз енді халықтың денсаулығына елеулі қатер төнген жағдайда дәрілік препараттардың түпнұсқа көшірмелерін өндіре алады. Сенат құжатты мақұлдады. Заң қымбат дәрі-дәрмекке қол жеткізу проблемасын шешуге бағытталған. Осылайша, Қазақстан шетелдік патентті пайдалана отырып, керек кезде дәрілік препараттар өндірісін ұйымдастыра алады. Тіпті қажет жағдайда импорттауға құқылы. Айгүл ҚАПБАРОВА, ҚР ПАРЛАМЕНТІ СЕНАТЫНЫҢ ДЕПУТАТЫ: Хаттаманы ратификациялау дәрілік заттарды өндіру кезінде зияткерлік меншік құқығын қорғау мәселелерін жетілдіру үшін құқықтық жағдайлар жасауға мүмкіндік береді, Қазақстан халқының денсаулығын қамтамасыз етуді және сапалы дәрілік препараттарды емін-еркін алу мүмкіндігін кеңейтеді.