Сенат 2024-2026 жылдарға арналған республикалық бюджет жобасын қарап, оны түзетулерімен Мәжіліске қайтарды. Алдағы жылдары мемлекет жұмсайтын барлық қаражаттың жартысына жуығы әлеуметтік салаға бағытталады. 3 жыл Ұлттық қордан трансферт тартылады. Тақырыпты толығырақ әріптесім, Ақбота Базарбай тарқатады. Алдағы 3 жылдық бюджет стра¬тегиялық бағдарламаларды және Президенттің Жолдауда көрсеткен маңызды әлеуметтік-экномикалық міндеттерді іске асы¬¬руға арналған. Сыртқы нарықтағы күрделі жағдайға байланысты дағдарысқа қарсы кешенді іс-шараларды қаржыландыру жалғаса бермек. Келер жылы бюджет шығындарының 40 проценттен астамы әлеуметтік салаға жұм¬салады. Ерұлан ЖАМАУБАЕВ, ҚР ПРЕМЬЕР-МИНИСТРІНІҢ ОРЫНБАСАРЫ - ҚАРЖЫ МИНИСТРІ: Өңірлерді дамытуға тоқталсақ, бұған республикалық бюджеттен 7 трлн теңгеден артық қаражат қарастырылған. Яғни жалпы бюджет шығыстарының шамамен 30% құрайды. Сондай-ақ, құжатты Сенатта талқылау кезінде Үкімет резерві есебінен «Ауыл-Ел бесігі» бағдарламасын іске асыруға қосымша 13,6 млрд теңге, өңірлердегі әлеуметтік және инженерлік инфрақұрылымды жаңғыртуға 30,1 млрд теңге бөлуге қатысты қолдау жасалды. Ұлттық қордың қаржысын жекелеген стратегиялық инфрақұрылымдық жобаларға пайдалану қажет. Мұндай тәжірибеге тыйым салынбайды. Дегенмен Мәулен Әшімбаевтың пікірінше, облигацияларға қойылатын талаптар мен ережелерді нарық қалыптастыруға тиіс. Мәулен ӘШІМБАЕВ, ҚР ПАРЛАМЕНТІ СЕНАТЫНЫҢ ТӨРАҒАСЫ: Егер пайыздық мөлшерлемені субсидиялайтын болсақ және бұл шығындарды Ұлттық қор өз мойнына алса, онда Ұлттық қор тұжырымдамасына және балаларды қолдау тұрғысынан орындалуға тиіс міндеттерге және тағы басқа мәселелерге қайшы келеміз. Өткен жылғы бюджеттің есебі шеңберінде Үкіметтің Парламенттегі есебі де көзделген болатын. Біз былтырғы бюджет бойынша есепті қараған кезде Ұлттық қор қаржысын пайдаланудың осы бөлігі туралы ақпаратты көре алмадық. Ақпарат жоқ. Осылайша, бұл қаржыны пайдалану туралы есепте проблема бар. Әлихан Смайылов қордаланған мәселелерді бірден шешу мүмкін емес дейді. Әлихан СМАЙЫЛОВ, ҚР ПРЕМЬЕР-МИНИСТРІ: Қазір екінің бірі үкіметтің кемшіліктерін ғана айтатын болды. Проблемалар бар. Ол рас. Және ол проблемалар бүгін пайда болған жоқ. Олар ондаған жылдар бойы жинақталған. Біздің басты мәселеміз – ресурстарымыздың шектеулілігі. Өкінішке орай, біз бірден барлық мәселені шешу үшін қаражат бөле алмаймыз. Жоғарғы палата депутаттары бизнес пен азаматтарды әлеуметтік қолдауға және өңірлерді дамытуға бөлінетін қаражатты ұ묬¬ғайтуға байланысты бюджет шы¬¬¬¬-ғыстарының кейбір бағыттарын қайта қарауды ұсынды. Жан-жақты талқылаудан кейін сенаторлар еліміздің басты қаржы құжатына бірқатар түзетулер енгізіп, Мәжіліске қайтарды.