«Шахмат керуені» ел аралап жүр. Қарағандыға аялдаған олар шахтерлар шаһарынан үздік ойыншыларды анықтады. Арнайы керуен үшін қойылған жылжымалы киіз үйдің ішінде шахматтан турнир өтті. Қарағанды – Көкшетау, Петропавл және Қостанайдан кейін «Шахмат керуені» аялдаған төртінші қала. Жобаның мақсаты – еліміздің барлық өңіріндегі шахмат қозғалысын дамыту. Шахмат федерациясы екі жылдың ішінде бастауыш сынып оқушыларының 20 пайызын осы ойынға үйретуді жоспарлап отыр. Қарағанды облысында шахматпен 20 мыңнан астам адам айналысады және осы спорт түріне арналған 149 секция бар.