Шығыс Қазақстан облысы Глубокое ауданында қатты желдің салдарынан ағаштар құлап, көшелер жарықсыз қалды.ШҚО ақпарат орталығының мәліметіне сүйенсек, Глубокое ауданы Белоусовка кентінде қатты дауыл соқты. Соның салдарынан ағаштар құлап, электр желілеріне зақым келіп, бірнеше көше жарықсыз отыр. Белгілі болғандай, 4500 тұтынушының 718 тұрғыны электр қуатынсыз қалды. Қазіргі уақытта 280 тұтынушының электрмен жабдықтауы қалпына келді. «Апаттың салдарын қалпына келтіру жұмыстары жүргізілуде. Сол жерде 4 бригада жұмыс істеуде, 4 техника жұмылдырылды. Сонымен қатар «ГорСвет LTD» ЖШС және «ГосСтрой» ЖШС мердігерлік ұйымдарының күштері тартылды. ТЖД құтқарушылары ағаш үйінділерін жинауда», - делінген хабарламада.