Шымкенттік полицейлер 27 миллион теңге берешегін төлеуден қашып жүрген азаматтың автокөлігін айып тұрағына қойды. Бұл туралы Қазақстан Телеарнасы хабарлайды. Борышкер қымбат бағалы Lexus маркалы көлігін мініп, қала көшелерінде ойқастап жүрген жерінде тоқтатылды. Патрульдік полиция инспекторына мұндай ақпарат жедел басқару орталығы арқылы берілді. Бұл жәйтті оларға «Қорғау» жүйесі анықтап берген. Борышкер енді автокөлігін қарызынан толық құтылғаннан соң ғана ала алады.