Шымкентте мүмкіндігі шектеулі азаматтарға арналған жәрмеңкеде 2000-ға жуық бос жұмыс орны ұсынылды

Шымкентте мүмкіндігі шектеулі азаматтарға арналған жәрмеңкеде 2000-ға жуық бос жұмыс орны ұсынылды. “Кедергісіз келешек” жобасы аясындағы шараны «AMANAT» партиясының жергілікті филиалы мен қалалық жұмыспен қамту және әлеуметтік қорғау басқармасына қарасты «Еңбек мобильділігі» орталығы және «Тең Қоғам» әлеуметтік қолдау орталығы ұйымдастырды. Оған 30- дан астам жұмыс беруші қатысты. Үшінші топ мүгедектігі бар Мусан Момбаевтың қос мамандығы бар. Өнер саласы мен ағаш ұсталығын қатар алып жүрген жанның көру қабілетінде ақау болғандықтан қосымша жүмыс іздеп келген көрінеді. Мусан МОМБАЕВ, 3-ТОП МҮГЕДЕГІ: Возраст үлкейген сайын ауыр жұмыс екінші көзге әсер етіп жатыр да, зрение кетіп жатыр. Сол себепті осыны естіп, осында келіп, 5-6 нөмір алдым. Құдай қаласа сол бес-алты номердің ішінен біреуі боп кететін шығар деп отырмын. Негізі осындай жәрмеңкелерді лажы болса көбірек ұйымдастырып тұрса. Шара барысында жетекші партия мен басқарма басшылығы жұмыс іздеушілерге «Кедергісіз келешек» жобасын түсіндіріп, үгіт-насихат жұмыстарын да жүргізді.Жәрмеңкені өткізудегі басты мақсат - мүгедектігі бар азаматтарға жағдай жасап, жұмысқа орналасуына қолдау көрсету. Айта кетейік, Шымкентте биыл бұл мақсатта “2021-2025 жылдарға арналған кәсіпкерлікті дамыту жөніндегі Ұлттық жоба» шеңберінде 1821 адам жұмыспен қамту шараларына қамтылған. Сонымен қатар, биыл қала әкімінің«Мүгедектігі бар адамдарды жұмысқа орналастыру” квотасы бойынша 50 мекемеге 227 бос орны белгіленге. Бүгінде 37 жұмыс беруші мекемеге 110 адам жолдама алды.