Солтүстік Қазақстан облысында тұрғын үйден өрт шығып, 13 адам құтқарылды, - деп хабарлайды Massaget.kz тілшісі ТЖМ баспасөз қызметіне сілтеме жасап. Өртсөндірушілер СҚО Булаев ауданының М. Жұмабаев атындағы аудан орталығындағы тұрғын үйдегі өрттен 13 адамды, оның ішінде 2 баланы құтқарып, эвакуациялады.Өрт туралы ақпарат 1 қаңтарда сағат 13:21-де келді. 5 минуттан кейін кезекші қарауыл сол жерге келіп, адамдарды құтқаруға және өртті сөндіруге кірісті.Өртсөндірушілер Нұрсұлтан Шунгульшин мен Ерлан Мыжиканов 7 адам: 4 әйел мен 3 бала құтқарды. Өрт сағат 13:50-де толығымен жойылды. Құрбандар мен зардап шеккендер жоқ.Қарауылдың жеке құрамы жанып жатқан пәтерден 27 литрлік газ баллонын шығарды. Сол үйде тұратын аға лейтенант Ғалымжан Байбусин өртсөндірушілер келгенге дейін қолда бар құралдармен өртті сөндіру шараларын қабылдап, өрт сөндірушілерге адамдарды эвакуациялауға көмектесті.