Ресейдің Улан-Уде қаласындағы Бестужев атындағы мемлекеттік орыс драма театрының әртісі Артур Шувалов сахнада тамырын кесті, деп хабарлайды Stan.kz.Әртіс бұл әрекетін театр басшылығының қысымы мен оны жұмыстан шығару әрекетініне байланысты жасағаны айтылған. Оқиға 29 наурызда болған. Шувалов өзінің білектерін кеңсе пышағымен кесіп тастаған. Шувалов пен театрдың басқа да әртістеріне қысым көрсету бір жыл бұрын соғысқа қарсы ұстанымы үшін қызметінен шеттетілген театрдың көркемдік жетекшісі Сергей Левицкийді қайтару талабымен байланысты. Актерлер наразылық ретінде театр ғимаратынан Z әрпі бар плакатты алып тастап, жаңа көркемдік жетекші Вячеслав Дьяченконың үстінен шағым жазып, бұқаралық ақпарат құралдарында жария етуді сұрады. “Олар жыл бойы мені осы театрдан жұмыстан шығарамыз деп, масқаралап, жұмысымнан, ақшамнан айырды. Бүгін олар арызға қол қойып, әйелім Светлана Полянскаяны [сол театрдың актрисасы] жұмыстан шығарды. Бұған шыдағым келмейді. Мен шаршадым. Басқа амалым жоқ. Мен бір ғана нәрсені айтқым келеді: Вячеслав Михайлович Дьяченко, Наталья Николаевна Светозарова [театр директоры] - менің өліміме осы адамдар кінәлі”, - деді актер сахнадан қойылымнан кейін тағзым етіп. Бурятияның мәдениет министрлігі актер Шуваловтың жарақаты жедел жәрдем бөлмесінде тігілгенін және оның денсаулығына ештеңе қауіп төніп тұрмағанын хабарлады. Бурятияның мәдениет министрлігі ішкі аудит жүргізетінін хабарлады. Мәдениет министрлігінің айтуынша, өнерпаз жақында ауруханада жаралылардың алдында концерт ұйымдастырудан бас тартып, өткен жылы театрда Z әрпі бар туды жұлып алған. "Актердің әйелі жұмыстан босатылған жоқ, басшылықтың айтуынша, ол көптеген спектакльдерге қатысқанына қарамастан өтінішті өзі жазған. Актрисаға өтінішті қайтарып алуға мүмкіндік берілген”, – деді министрлік өкілі.