Жыл басынан бері үш жүзден астам бала қар құрсауынан құтқарылды. Бұл туралы Төтенше жағдайлар бірінші вице-министрі Ибрагим Күлшімбаев Орталық коммуникациялар қызметінің алаңында өткен баспасөз мәслихатында мәлімдеді, деп хабарлайды BAQ.KZ .Жыл сайын жұртшылық тарапынан ауа-райының нашарлауына және жолдардағы көлік кептелістерге байланысты төтенше жағдайлар резонанс тудырады. Қыстың басынан бастап 700-ге жуық автожол учаскесі жабылды. Оның ішінде республикалық 351 және 346 облыстық және жергілікті маңызы бар жолдар. 663 дауыл туралы ескерту жарияланды, халыққа 1 227 СМС-хабарлама, «Дармен» қосымшасы арқылы 1 290 хабарлама жіберілді, - деп атап өтті ведомство өкілі. Сонымен қатар ол қар құрсауынан қанша адамның құтқарылғанына тоқталды. Қар құрсауынан құтқарушылар 2 847 адам, оның ішінде 328 бала құтқарды және эвакуацияланды. 356 техника шығарылды. Жолдардың жабық учаскелеріне арнайы техника жұмылдырылды, құтқарушылар мен полиция қызметкерлері қатарынан бекеттер қойылды, барлығы 1 239 адам және 720 бірлік техника жұмылдырылды, - деді Ибрагим Күлшімбаев. Ал жағдай күрделенген кезде төтенше жағдайларға ден қою жөніндегі жұмысты үйлестіру үшін Республикалық жедел штаб құрылды деп отыр. Оған ТЖМ ахуалдық орталығының базасында құрамына ішкі істер, энергетика, инфрақұрылым және индустриялық даму министрліктерінің өкілдері кіргені белгілі болды. 37 мың адам және 13 мың бірлік техникадан тұратын күштер мен құралдардың топтастыру құрылды. Орталық және жергілікті атқарушы органдардың қысқы кезеңге дайындығы «Қыс» Республикалық командалық-штабтық оқу-жаттығу барысында тексерілді. Кіріспелерді пысықтау кезінде негізгі назар сумен жабдықтау, жылыту жүйелеріндегі ықтимал апаттарға, энергияны өшіруге және автожолдардағы кептелістерге бағытталды, - деді вице-министр.