Түркістан облысында былтыр су тасқынына қарсы шараларды іске асыруға арналған жол картасына мүлдем қаржы бөлінбеген. Ал ақпанның басында бірқатар ауданды нөсер жауын мен еріген қар суы әбігерге салды. Қазір де жайбарақат отыратын кез емес. Шардара су қоймасы 99 пайызға толып тұр. Ал Көксарай су реттегішінде 61 процент су бар. Үкімет отырысында облыс әкімі Көксарай су реттегішіне су жинауды тоқтату қажет, - деді. Көксарайдың сиымдылығы 3 млрд текше метр болғанына қарамастан оның деңгейін 1 млрд 800 текше метрден асыруға болмайды. Өйткені су реттегішінің төменгі жағында ыза су шектен тыс көбейіп кетуі мүмкін дейді мамандар да.Қазыбек БЕДЕБАЕВ, «ҚАЗСУШАР» РЕСПУБЛИКАЛЫҚ МЕМЛЕКЕТТІК КӘСІПОРНЫ ТҮРКІСТАН ФИЛИАЛЫНЫҢ ДИРЕКТОРЫ: 2020-21-ші жылы 2 млрд текше метр су жиналған болатын тұғын. Сол кезде астындағы ыза суы көбейіп кетіп, фильтрация былай айтқан кезде көбейіп, көлемін азайтқан болатын. Сол кезде 1 млрд 800-ден төмен қарай түсірген кезде ыза суы азайып, нормаға сәйкес келген болатын. Қазіргі жағдайда 1 млрд 822 млн текше метр. Мамандардың айтуынша, су қоймалары маңындағы елдімекендерге қауіп жоқ. Көксарайдан Сырдарияға жіберілетін мөлшерді азайтуға әлі ерте дейді. Өйткені Қызылорда облысы аумағында өзен бетінде әлі тоң бар. Алдағы аптада күн жылынса, мұз ериді деп топшылайды.
Жаңалықтар
