Түркістан облысы Отырар аудандық полиция бөлімінің қызметкерлері ұрлық жасады деген күдікпен 43 жастағы жергілікті тұрғынды анықтады, - деп хабарлайды Massaget.kz тілшісі polisia.kz-ке сілтеме жасап.Күдікті әйел мектепте еден жуушы болып жұмыс істегені белгілі болды. Оқиға болған күні ол спорт залдағы қыздардың киім ауыстыру бөлмесін тазалап жүргенде сөреде тұрған Oppo A53 телефонын жымқырып кеткен. Ұрлап алған телефонын әйел сатып жіберген. Тәртіп сақшылары күдіктінің сатып жіберген телефонын тауып, иесіне табыстады. Қазіргі таңда күдікті әйелдің бұдан басқа да қылмысқа қатысы бар-жоғы тексеріліп, тергеу амалдары жүргізіліп жатыр.
Жаңалықтар
