Соңғы жылдары ұлттық киімнің мәні жаңа сипат алды. Бұрынғы дәстүрлер мен қазіргі үрдістерді біріктіре отырып, жаңа жаңа сән үлгілері пайда болуда. Заман талабына сай тігілген ұлттық киімдерге сұраныс та арта түскен. Қазақы заманауи бренд қалыптастыру жақсы үрдіске айналып келеді. Жанбота ХАШХЫНБАЙ, ТІЛШІ: Бүгінде осындай ою-өрнекпен көмкерілген сәнді әшкей бұйымдар күнделікті өмірде қолданысқа еніп трендке айналған. Халықтың басым бөлігі қазақша киінуді дәстүрлі түрде қолға алып жатыр. Ұлттық киім киюге деген оң көзқарас жастар арасында байқалады. Олардың дені күнделікті өмірде ұлттық киім киюді қолайлы деп санайды. Блиц-САУАЛНАМА: - Соңғы екі үш жылда жастардың көбісі осындай қазақы оюлары бар киімдерді өте көп кие бастады. Ол тек қана қандай да бір мейрамдарда ғана емес, күнделікті өмірде де,мысалға жекет кисе,сырға таққан, бұл сенімді мәдениетті білдіреді деген өзімнің ойым - Қазақы киімдер расыменде де сұранысқа ие болып жатыр. Мысалы тақия шапан дегендердің түр-түрі киіліп шығып жатыр.Күнделікті киюге кеңес берем. Сәнге құмар қыз-келіншектер оюмен көмкерілген қазақи киімдерді бүгінгі заманға сай икемдеп киюді әдетке айналдырған. Ұлттық құндылықтарға қызығушылық пен сұраныс жылдан жылға артып келе жатыр дейді стилистер. Этностиль сәнге айналған. Зарина ДОСБОЛҚЫЗЫ, СТИЛИСТ: Жастарымыздың біздің қазақи көне киімдерге қызығушылықтары өте жоғары.Мода стиль 60-100 жыл сайын айналмалы болып келеді әр кезде. Қазақ тарихына өтетін болсақ қазақы киімдерінің бастауы 1950 жылдан бері сақ ғұн,түркі дәуінен бастап келе жатыр.Соны ескере отырып осы заманға сай бейімдеп тігуде ,сұранысы сол киімдерге ие Отандық сәнгерлер ұлттық киімдерді замануи үлгіде жетілдіріп, дамытып келеді. Өзге елдерден келген туристер де қазақтың оюлы шапаны мен камзолына, бөркі мен такиясына қызығушылық танытатын көрінеді. Арман ДАЛИЕВ, КӘСІПКЕР: Қазіргі осы этно киімдерге жақсы сұраныс болып жатыр.Көбінесе шетелдік қонақтар келеді бізге.Қазақи киімдерді киіп суретке түсіп, естелік ретінде өз елдеріне алып кетіп жатады Қазақтың ұлттық киімі әлемдік көрмелерге де жиі қатысып жүр. Онда да ою-өрнекпен әсемделген сәнді киімдерге шетелдіктердің көзқарасы ерекше.