Үндістан халық саны жағынан Қытайды басып озды, деп хабарлайды Zakon.kz.14 сәуірде Үндістан дүниежүзі бойынша халқы ең көп елге айналды, деп жазды Market Watch БҰҰ-ның демографиялық болжамдарына сілтеме жасап. Үндістан халқының саны 1 425 782 975-ке жетті, ал Қытайда 1 425 744 008 адам тұрады. Үндістанның экономикалық әлеуеті зор, ол тек санға ғана емес, сонымен бірге халықтың құрамына да байланысты. Мәселен, елдегі 100 еңбекке қабілетті тұрғынға 25 жыл бұрын 68 еңбекке жарамыз адамнан келген болса, қазір 100 адамның 47-сі еңбекке жарамсыз деп есептеледі. Демографиялық деректер Үндістанның әлемдегі халқы ең көп ел ретіндегі жаңа мәртебесінен көп пайда көретінін көрсетсе де, егер ол Еңбек өнімділігі мен әйелдердің экономикаға қатысу коэффициенті бойынша экономикасы дамып келе жатқан басқа елдерден артта қалса, оның толық экономикалық әлеуеті іске асырылмайтыны анық.