WhatsApp-та ең жеке хат алмасудың құпиялылығын қорғауды күшейту мақсатында жеке чаттар үшін құпия сөздерді орнатуға мүмкіндік беретін жаңа функция - "құпия чат" пайда болады, - деп хабарлайды Tengrinews.kz тілшісі."Бұл ең жеке хаттарыңызды қорғауға көмектесетін тағы бір қауіпсіздік шарасы. Чатты жапқаннан кейін ол негізгі экраннан бөлек папкаға ауысады. Оны ашу үшін құрылғы құпия сөзін енгізу керек немесе саусақ ізі сияқты биометрикалық деректерді сканерлеу қажет. Сонымен қатар, жеке чаттардағы хабарлардың мазмұны да хабарландыруларда автоматты түрде жасырылады", - делінген хабарламада. Чатты жабу үшін жеке хат алмасудағы әңгімелесушінің атын немесе топтың атын басып, сәйкес мәзірді таңдау керек. Жеке чаттарды экранында көрсету үшін оны жайлап сырғытып, телефон рұқсат кодын енгізу немесе биометрикаңызды сканерлеу қажет. "Бұл ғана емес, сонымен қатар, алдағы айларда біз жаңа мүмкіндіктерді қосатын боламыз. Соның ішінде байланыста болған құрылғылардағы чаттарды құлыптау және телефон құпия сөзінің орнына пайдалануға болатын жеке чаттар үшін бірегей құпия сөз жасау қосылатын болады", - делінген WhatsApp блогында.