Аты аңызға айналған партизан, көрнекті жазушы, қазақ әдебиетіндегі партизан тақырыбының негізін қалаған бірегей тұлға, Қазақстанның «Халық қаһарманы» Қасым Қайсенов. Ол – Екінші жаһан соғысының сұрапыл жылдарында жау тылында талай мәрте ерлік жасап, халық жадында мәңгі қалған батыр ғана емес, соғыстан кейінгі кезеңде әдебиет майданына келіп, көркем шығармаларымен де халық сүйіспеншілігіне бөленген жазушы. Оның бір бойынан қазақ халқының батырлық рухы мен адамгершілік асыл қасиеттері ерекше үйлесім тапқан. Сондықтан бұл тұлға туралы қанша жазсақ та, қанша айтсақ та көптік етпейді.
Жаңалықтар
