Соғыстан кейінгі алғашқы онжылдықтарда Орталық Азия кеңестік модернизациялық тәжірибенің маңызды алаңдарының біріне айналды. Бұл өңірде ежелгі дәстүрлер, индустриялық амбициялар және қырғи-қабақ соғыс дәуіріндегі геосаяси үміттер тоғысқан еді. Дәл осы аймаққа 1950-жылдардың басында америкалық журналист Харрисон Солсбери Батыста бұрын КСРО-ның алыс әрі аз зерттелген шет аймағы ретінде қабылданған республикалардағы өмірдің қаншалықты өзгергенін өз көзімен көру үшін қайта сапар шекті. Бұл сапардың нәтижесінде 1953 жылдың 6 қазанында New York Times газетінде Soviet Asia's Pace Believed Lagging атты мақала жарық көрді. Онда тілші 1944 жылғы сапарынан алған әсері мен көргенін салыстыра отырып, аймақтың даму қарқынын бағалауға тырысты. Qazaqstan Tarihy порталы сол дәуірдің бірегей куәлігі саналатын осы материалға назар аударып, америкалық репортердің Кеңестік Орталық Азияда көргені мен естігенін егжей-тегжейлі қарастыруды ұсынады.