Сейдәзім Қадырбаевтың есімі «Алаш» партиясы көсемдерімен бірге аталады. Алайда, «Аза кітабында» ол жайында дерек жоқ. «Атаусыз қалып бара жатқаннан кейін бұл аяулы ағамызды мен жақсы білемін. Сондықтан қолда бар деректерге сүйене отырып, ол кісіні халқымызға, бүгінгі ұрпаққа таныстыруды міндетім деп білдім [1; 246], – деп Гүлнар Дулатова апамыз С. Қадырбаев әкесі Міржақыппен бірге оқығанын, отбасы, жары – Жаңыл, балалары, ата-тегі жайында айтып, тың деректер келтіреді.