Қазақ музыкасының тарихында тыңдарман жүрегіне ерекше әсер еткен, жылдар өтсе де ұмытылмай айтылып келе жатқан әндердіңң бірі – «Келші, айым». Бұл әнді естіген сәттен бастап оның бойынан бір жұмбақ мұң, сағыныш пен күту сезімі сезіледі. Көпшілік үшін бұл ән жай ғана махаббат туралы әуен болып көрінуі мүмкін. Алайда оның дүниеге келу тарихында шынайы өмірден туған ауыр тағдыр мен терең сезім жатыр.