2026 жылды тарихи тұлғалардың мерейлі мерейтойына толы жыл деуге болады. Соның ішінде Алаш қайраткері, публицист, агроном, мемлекет бағдарламасымен шет елде оқыған қазақтың бірі Ғазымбек Бірімжанның туғанына да 130 жыл толып отыр. Қайраткер-қаламгердің өмірі мен шығармашылығын зерттеу, зерделеу, таныту, насихаттау жұмыстарын шама-шарқымыз жеткенше атқарып келеміз. 2021 жылы Qyr balasy қоғамдық қорының «Алаш кітапханасы» сериясымен алғашқы шығармалар жинағын шығарсақ, 2024 жылы өңделіп, толықтырылған екінші басылымын ойлы оқырман назарына ұсындық. 2022 жылы А. Байтұрсынұлы атындағы Қостанай өңірлік университетінде «Ғ. Бірімжанның тұлғалық келбеті мен әдеби-публицистикалық мұрасы» тақырыбында магистрлік диссертация жұмысын қорғасақ, 2024 жылы Қазақстан Жазушылар Одағының қолдауымен тұлға туралы жазылған «Қазақтың Ер Едігесі» тарихи-деректі еңбегіміз көпшілік қауымға жол тартты. Жыл сайын есім-сойын ұлықтау мақсатында ғылыми-зерттеу, тарихи-танымдық мақалалар жазып, мерзімді басылым беттеріне жариялап келеміз.
«Ғазымбек Бірімжан туралы күні кешеге дейін білген жоқпыз», - Михаил Ибрагимұлы
Басқа
