Павлодар қаласындағы Сұлтанмахмұт Торайғыров атындағы облыстық кітапханада қазақ руханияты үшін айрықша маңызға ие мәдени оқиға өтті. Қазақстан Республикасының Мәдениет және ақпарат министрлігі мен Қазақстан Жазушылар одағы бірлесіп жүзеге асырып келе жатқан «ТМД елдерінің архивтеріндегі қазақстандық жазушылардың зерттеу жұмыстары» атты ауқымды жоба аясында әдеби форум ұйымдастырылып, жаңа ғылыми-шығармашылық еңбектердің тұсаукесері жасалды.