Қазақстан тарихында Дінмұхамед Қонаев есімі елдің индустриялық және қалалық дамуының ірі кезеңімен тығыз байланысты. Ол Қазақ КСР-ін ұзақ жылдар басқарған тұста республикада жаңа өндіріс орындары ашылып, бұрынғы шағын елді мекендер ірі қалаларға айналды, ал кейбір өңірлерде мүлде жаңа қалалар бой көтерді. Қонаев кезеңі – Қазақстанда урбанизация қарқыны күшейіп, өндіріс пен ғылымға негізделген жаңа қалалар жүйесі қалыптасқан уақыт ретінде бағаланады. Ендеше Қонаевтың арқасында бой көтерген бірқатар қалаларға тоқталып өтейік.