Қытай қазақтарының беделді журналы «Іле Айдыны» қазақ тілінде төте жазумен екі айда бір шығатын әдеби айлық журнал. Қытай қазақ әдебиетінің қара шаңырағы. Қытай қазақтары ақын-жазушыларының алтын бесігі әрі түлеп ұшатын тұғыры. Көркем әдебиетке әуестеніп, оған ықылас аударғандардың таптырмайтын тамаша оқулығы және жалықпайтын ұстазы. «Іле айдыны» журналы басылым көргеннен бастап қазірге дейін қазақ әдебиетінің жазба әдебиет деңгейіне көтеріліп, оның қалыптасып дамуына табан тірер тиянақ, өркендеп өсуіне демеуші әрі жебеуші болды. Сонымен бірге Қытайдағы қазақ оқырмандарына рухани азық болып, оларға өмір таныту оқулығы болу рөлін жасады. Жалпы Қытай қазақ әдебиетін сөз еткенде, біздің тілімізге ең алдымен «Іле айдыны» журналы ілінеді. Оның басылым көру және даму сапарлары табиғи түрде еске түседі.
Басқа
