Әйгілі ақын, әнші, сазгер Ақан сері Қорамсаұлы – «Ақтоқты», «Алтыбасар», «Мақпал», «Балқадиша» сынды көптеген әндерімен көңілді балқытып, құдіретті өнермен сұлулықты жырлап, қазақ қыздарының образдық галереясын жасаған ірі тұлға. Ол шынайы махаббатты сазбен суреттеп, туған елге, жерге деген сүйіспеншілігін өнермен өрнектеген өнерпаз. Қазақ даласын әсем әнмен тербеткен Ақан серінің туғанына биыл 180 жыл. Бұл – қазақ мәдениеті кеңістігіндегі айтулы оқиғалардың бірі.