Өткен 2025 жылы 190 жылдығы елімізде ғана емес, халықаралық деңгейде атап өтілген Шоқан Шыңғысұлы Уәлихановтың ғылыми-шығармашылығы оның азаматтық ой-пікірлері әр заманда зерттеушілердің назарын аударып келеді. Оның әсіресе, қазақ халқының этнографиясы мен саяси тарихына қатысты жазған еңбектері ондағы концептуалдық мәндегі ой-пікірлері бүгінгі ұлттық тарих дискурсы тұрғысынан жаңа қырыннан таныла түсуде. Бүгінгі күнге дейін Ш. Уәлиханов турасында орыс, қазақ, ағылшын тілдерінде 800 - ден астам ғылыми мақалалар мен арнайы монографиялар жарық көрсе де, ол турасында кеңестік дәуірде көркем фильмдер түсіріліп, көркем әдебиетте де оның бейнесі жасалып, белгілі бір дәрежеде былайғы халықтың санасында Шоқанның образы туралы өзіндік түсінік қалыптастырылғанымен, ол түсініктің әр заманда әрқилы болғаныдығын да байқауға болады.
Басқа
