12 қараша күні Лев Гумилев атындағы Еуразия ұлттық университетінде «Қазақстан тарихы» интернет жобасы мен университеттің тарих кафедрасы бірлесе отырып, студенттер арасында «Тарихи quiz» зияткерлік сайысын ұйымдастырды. Ойында 1 курс студенттері, 1–2 курс магистранттары және 2 курс докторанттарынан тұратын барлығы сегіз команда бақ сынады. Олардың ішінде толықтай түркімен студенттерінен құралған команда да бар. Жарысты тамашалау үшін кафедраның оқытушылары мен студенттері көрермен ретінде қатысып, командаларға жанкүйерлік танытты.